Nënkryetari i Kuvendit dhe i PD-së, Edi Paloka, i ka cilësuar propozimet e PS-së për ndryshimin e rregullores së Kuvendit si mënyrën që Edi Rama ka zgjedhur për të mbrojtur veten dhe ministrat e tij përballë ligjit.


Paloka tha se me këto propozime Rama po përpiqet të legalizojë shkeljen e Kushtetutës në rastin e ish-ministrit të Brendshëm, Sajmir Tahiri, për të cilin Prokuroria e Krimeve të Rënda kërkoi arrestimin.


“Frika dhe paranoja është emblema e Ramës për ata që e njohin mirë. Pikërisht kjo frikë e kontrrollon dhe sjelljen e tij në këtë rast ku megjithëse po duke shkelur Kushtetutën, u vetzgjodh dhe Prokuror i Përgjithshëm, nuk ndjehet ende i sigurtë”, shkruan Paloka në një postim në rrjetet sociale.


Postimi Edi Palokës


Kush ka frikë nga drejtësia e pavarur …Opozita apo Rama ?


I shpifur dhe i neveritshëm Ramballa u shfaq sot duke u përdredhur përpara gazetarëve në përpjekje për të mbuluar një të vërtetë që tashmë e ka kuptuar edhe më budallai i “Rilindjes” ; frikën e Ramës nga një drejtësi që nuk është totalisht në duart e tij.


Pasi shkeli ligjin dhe Kushtetutën për të mbrojtur Saimir Tahirin , Rama vendosi “të legalizojë” këto shkelje duke i futur në rregulloren e Kuvendit. Pra jo të pasqyrojnë në rregullore ndryshimet Kushtetuese , siç u përpoq të mashtronte sot , po që pikërisht shkeljen e Kushtetutës në Këshillin e Mandateve dhe Rregullores e më pas në seancën parlamentare, në rastin Tahiri, ta kthejë në rregull e në ligj.


Kaq flagrante dhe e trashë është kjo lëvizjë e Ramës sa dhe mashtruesit më të paturp të “Rilindjes” , atë që nxjerr zakonisht në raste të tilla, sot ju morr goja përpara gazetarëve në përpjekje për ta mbuluar të pegerën e fundit të shefit te tij.


Frika dhe paranoja është emblema e Ramës për ata që e njohin mirë. Pikërisht kjo frikë e kontrollon dhe sjelljen e tij në këtë rast ku megjithëse po duke shkelur Kushtetutën, u vetzgjodh dhe Prokuror i Përgjithshëm, nuk ndjehet ende i sigurtë.


Anullimi i vendimit të Operacionit Ndërkombëtar të Monitorimit pak ditë më parë, është një tjetër provë e frikës kryeministrore. Ai që nuk ka lënë rast pa përmendur “ndërkombëtaret” lidhur me reformën në drejtësi, në rastin e parë që këta ndërkombëtare morën një vendim jashtë interesave të tij, ai i bëri “nul” duke përdorur një nëpunës, militant të “Rilindjes”.


Siç duket, rasti i mikut të tij, ish-kryeministrit të Rumanise Ponta, po ja prish terezinë Ramës që po nxiton të kapë me urgjencë çdo hallkë që lidhet qoftë dhe në distancë me drejtësinë. E për të qenë edhe më i sigurt se edhe ata që po i cakton vetë në institucionet e drejtësisë, nuk do e “tradhëtojnë” , kërkon me ndryshimet e fundit që do të bëj në rregullore (antikushtetuese dhe këto) të lerë fatin e tij dhe të “peshqve” të tjerë të mëdhenj të krimit, vetëm në duart dhe kartonat e “rilindasve” të tij në Parlament. A thua duhet të ketë besim se edhe ata nuk do e “tradhëtojnë” kur ta shohin që ka filluar thyerqafja e tij…


19 janar 2018 (gazeta-Shqip.com)