Një 28-vjeçar në Sarandë, ka rënë në kontakt me energjinë elektrike dhe për fat të keq ka humbur jetën. Sipas policisë, ngjarja ka ndodhur sot në orën 14:20 në lagjen numër një të këtij qyteti, ku është marrë njoftimi për një person të pajetë në një prej rrugicave të kësaj lagjeje.
Policia ka shkuar menjëherë në vendin e ngjarjes dhe ka konstatuar se trupi i pajetë i përket shtetasit L. Z, 28 vjeç, banues në Fushë-Veri Delvinë.
Shtetasi L. Z, ka qenë në punë e sipër duke shtruar kabllo televizioni nëpër banesat e kësaj lagjeje dhe dyshohet se duke rënë në kontakt me rrymën elektrike të tensionit të lartë, ka humbur jetën.
Grupi hetimor po kryen veprimet e mëtejshme proçeduriale në lidhje me ngjarjen.
4 tetor 2018 (gazeta-Shqip.com)