Shqiptari vritet në sy të gruas dhe fëmijës, para vilës së tij 1.5 milion paund (Fotot)

Një shqiptar në Britani është qëlluar për vdekje me armë zjarri para syve të gruas së tij dhe fëmijës së vogël.

Viktima është identifikuar si Flamur ‘Alex’ Beqiri, 36-vjeç, i cili u qëllua ditën e djeshme para shtëpisë së tij 1.5 milion paund.

Autori u largua menjëherë pas ngjarjes, ndërsa nuk është identifikuar ende nga policia.

"Ndodhën shumë shpejt. Kishte tetë deri në 10 plumba", tha një 60-vjeçare, dëshmitare nga vendi i ngjarjes.

Sipas "Daily Mail", Beqiri u zhvendos në Mbretërinë e Bashkuar në vitin 2016. 36-vjeçari po kthehej në shtëpi me gruan e tij dhe fëmijën, kur u qëllua në oborrin e shtëpisë.

I njohur me emrin Alex, Flamur Beqiri është po ashtu vëllau i modeles me origjinë shqiptare Misse Beqiri.

[gallery ids="950071,950069,950072,950074,950073,950078,950079,950067,950068,950070,950075,950076,950077"]