Një vrasje me thikë ka ndodhur mesditën e sotme në një fshat të Tiranës, ku viktime ka mbetur 27-vjeçari Altin Kodra. Ngjarja ka ndodhur rreth orës 11:55, në Çekrezë, ku ipas policisë viktima është konfliktuar me shtetasin Vladimir Luli.
Si pasojë ai ka mbetur i plagosur me thikë në bark dhe ndonëse u dërgua në spital për ndihmë mjekësore, ka gjetur vdekjen disa orë më pas. Shërbimet e Policisë së Komisariatit të Policisë Nr 5, kanë bërë të mundur kapjen në flagrancë të shtetasit Vladimir Luli.
Specialistët e Krimeve ndaj jetës, po punojnë për sqarimin e plotë të rrethanave të kësaj ngjarje. Në vendin e ngjarjes është gjendur dhe sekuestruar në cilësinë e provës materiale, një mjet prerës thikë, e përdorur nga autori.
10 maj 2017 (gazeta-Shqip.com)