Në mbledhjen e sotme të qeverisë janë miratuar vendimet për shkarkimin nga detyra të të gjithë zëvendësministrat që i përkisnin Lëvizjes Socialiste për Integrim si dhe prefektëve që i përkisnin po kësaj force politike.
Kështu, është shkarkuar nga detyra Edmond Hoxha, zëvendësministër i Integrimit
Klajda Gjosha, zëvendësministër i Punës, Çështjeve Sociale dhe Shanseve të Barabarta
Selim Belortaja, zëvendësministër i Punëve të Jashtme
Sokol Dervishi, zëvendësministër i Ekonomisë, Tregtisë dhe Energjetikës
Nora Malaj, zëvendësministër i Arsimit dhe Shkencës
Tokli Thomaj, zëvendësministër i Bujqësisë, Ushqimit dhe Mbrojtjes së Konsumatorit
Genc Alizoti, prefekt i qarkut të Durrësit
Robert Bitri, prefekt i qarkut të Fierit
Vendimi vjen disa ditë pas daljes së LSI nga koalicioni qeveritar dhe futjes së saj në koalicionin parazgjedhor me PS.
10 prill 2013 (gazeta-Shqip.com)