Drejtori i Përgjithshëm për Politikat e Fqinjësisë së BE-së dhe Negociatat e Zgjerimit, Christian Danielsson ndodhet sot në Tiranë për një vizitë zyrtare. Nëpërmjet një ‘cicërime’ në Twitter ai ka uruar Gëzuar Ditën e Europës nga kryeqyteti shqiptar, ku ka zhvilluar në orët e para të mëngjesit, një takim me kryeministrin Edi Rama.
“Takim i mirë me kryeministrin e Shqipërisë @ediramaal në hapat përpara për BE-në, samitin e ardhshëm në Sofie, reformën në drejtësi dhe vettingun”, shkruan Danielsson.
Më tej ai thekson se “ecja me hapat pozitivë të momentit në kuadër të reformave – në veçanti në sektorin e Rregullave dhe Ligjit – është çelësi për të përparuar në rrugën drejt BE-së”.
Happy #EuropeDay from #Tirana. Had a very productive discussion w. @ditmirbushati.2018 is a vital year for🇪🇺🇦🇱relations.Using the current window of opportunities by pursuing ambitious reforms that will bring lasting benefits to the #citizens is pivotal on the road to the🇪🇺. pic.twitter.com/emmw00A2hA
— Christian Danielsson (@DanielssonEU) May 9, 2018
Ai gjithashtu thekson se ka patur “një diskutim shumë produktiv me ministrin e Jashtëm, Ditmir Bushati.
“2018 është një vit jetësor për marrëdhëniet BE-Shqipëri. Shfrytëzimi i dritares aktuale të mundësive, dhe ndjekja e reformave ambicioze që do të sjellin përfitime të përhershme për qytetarët është thelbësore në rrugën drejt BE-së”, nënvizon ai.
9 maj 2018 (gazeta-Shqip.com)