Një 33-vjeçare është zbuluar se ka përfituar në mënyrë të paligjshme ndihma sociale me vlerë mbi 23 mijë paund, ndërsa bënte një jetë luksoze me pushime dhe trajtime estetike. Bëhet fjalë për Catherine Wieland, e cila kishte deklaruar se vuante nga ankth i rëndë dhe nuk ishte në gjendje të dilte nga shtëpia apo të kujdesej për veten.
Megjithatë, ajo u ekspozua pasi publikoi në rrjetet sociale foto dhe video ku shfaqej duke bërë zipline, surfing dhe aktivitete të tjera gjatë një udhëtimi në Meksikë. Hetimet zbuluan se ajo kishte shpenzuar paratë e përfituara për pushime luksoze, trajtime bukurie, si dhe vizita në klinika private dentare.
Autoritetet nisën hetimet pas një sinjalizimi dhe siguruan prova të shumta, përfshirë edhe pamje ku ajo shihej duke bërë blerje, frekuentuar lokale dhe marrë pjesë në evente të ndryshme, në kundërshtim me pretendimet e saj. Gjykata vendosi që ajo të kthejë shumën e përfituar dhe e dënoi me një dënim me kusht, duke e cilësuar rastin si një abuzim të rëndë me sistemin e ndihmës sociale.