Gazetarja e njohur, Alba Alishani, ka qenë e ftuar në emisionin “S’e Luan Topi”, ku ka komentuar edhe Monika Kryemadhin në rolin e opinionistes së Big Brother VIP 5.
Alishani është shprehur se Kryemadhi nuk ka ndryshuar dhe nuk ka pësuar asnjë transformim, duke qëndruar origjinale dhe se kërkon t’i japë qartë mesazhet e saj.
“Profilet janë krejt të ndryshme. Rolet janë krejt në opozitë me njëri-tjetrin. Megjithatë, ajo është shumë origjinale, sepse duke e njohur personalisht dhe duke pasur një ide subjektive përtej kamerës për znj. Kryemadhi, unë shoh që ajo nuk ka pësuar transformim.
Ajo është Monika e çizmes në Parlament dhe është Monika e opinionistes në Big Brother. Nuk i mungon karizma. Është popullore në retorikë po ta shohësh, nuk përpiqet të jetë komplekse dhe e komplikuar, kërkon t’i japë qartë mesazhet, njësoj si në politikë.
Më qartë se me çizmen, nuk ka ku të shkojë. Kështu që unë nuk e shoh si personazh të transformuar, sepse ka njerëz që kur ndryshojnë pozicion, pra nga politika në show, i japin një komoditet vetes. Por ajo ka qëndruar ekuivalente”, u shpreh gazetarja.