Tom Welling, më i njohur për portretizimin Superman në serialin televiziv “Smallville”, u arrestua së fundmi në Yreka, Kaliforni. Aktori 47-vjeçar u arrestua në parkingun e Arby nga oficerët e Departamentit të Policisë Yreka pak pas mesnatës së 26 janarit. Welling u denoncua për drejtim të makinës në kundërvajtje nën ndikimin e alkoolit në gjak mbi 0,08%. TMZ ishte i pari që raportoi lajmin. Wellingu u lirua pa kusht pak pas orës 7 të mëngjesit.
Të dielën, aktori hyri në Instagram, duke festuar ditëlindjen e gruas së tij, Jessica Rose Lee Welling.“Gëzuar ditëlindjen engjëllit tonë që na bën realitet ëndrrat dhe na frymëzon edhe më shumë!-shkroi ai në mbishkrimin e një serie fotosh të Jessica-s.
Rikujtojmë se Tom dhe Jessica u martuan në vitin 2019 në një vresht në Santa Ynez, Kaliforni. Çifti ka dy fëmijë: djemtë Thomson Wylde, 6 vjeç dhe Rocklin Von, 3.
Welling u bë i famshëm duke luajtur Clark Kent në “Smallville”, i cili u shfaq për dhjetë sezone midis 2001 dhe 2011. Aktori ka bërë gjithashtu paraqitje të paharrueshme në filmat e Steve Martin “Cheaper by the Dozen”, “Lucifer”, “Draft Day”, “The Choice”, “The Fog”, “Batwoman” dhe “The Winchesters”.