Shtëpia e Bardhë reagoi ashpër ndaj një fotoje të postuar në rrjetet sociale nga aktori i Star Wars, Mark Hamill, të Presidentit të SHBA-së Donald Trump me sytë e mbyllur sikur të ishte i vdekur para një varri. Në fakt, fotografia kishte të shkruara fjalët “i bekuar”, ndërsa Trump është varrosur në një varr të cekët para një guri varri ku shkruhej “Donald J. Trump 1946-2024”.
Në postimin që bëri të cilin më vonë e fshiu Hamill shkroi: “Ai duhet të jetojë mjaftueshëm gjatë për të dëshmuar humbjen e tij të pashmangshme katastrofike në zgjedhjet e mesit të mandatit, për t’u mbajtur përgjegjës për korrupsionin e tij të paparë, për t’u shkarkuar, dënuar dhe poshtëruar për krimet e tij të panumërta.
Mjaftueshëm gjatë për të kuptuar se do të turpërohet në librat e historisë, përgjithmonë.” Përgjigja erdhi nga llogaria e Reagimit të Shpejtë të Shtëpisë së Bardhë: “Mark Hamill është i sëmurë. Ky lloj retorike është pikërisht ajo që frymëzoi tre atentate ndaj Presidentit tonë në dy vjet.” Hamill më vonë e fshiu postimin dhe kërkoi falje, duke shkruar: “Në realitet, i urova të kundërtën e vdekjes, por kërkoj ndjesë nëse e gjetët imazhin të papërshtatshëm”.