Këngëtarja dhe aktorja britanike Elaine Paige ka rrëfyer se për vite me radhë ishte e varur nga ilaçet e gjumit, të cilat i përdorte për të përballuar problemet me gjumin pas shfaqjeve të gjata në teatër.
78-vjeçarja tregoi se pas performancave shpesh qëndronte zgjuar deri në orët e para të mëngjesit dhe mbështetej te tabletat për të arritur të flinte.
“Për shumë vite në teatër kam jetuar me pilula gjumi, përndryshe je e lidhur deri në orën 2 të mëngjesit pas një shfaqjeje”, rrëfeu ajo për The Sunday Times.
Paige e përshkroi këtë si “sindromën e saj të Judy Garland”, duke pranuar se me kalimin e kohës ishte bërë e varur nga ilaçet.
Megjithatë, ajo tha se arriti ta ndërpriste përdorimin e tyre gjatë pandemisë.
“Janë gjëra të tmerrshme për t’u bërë i varur, gjë që edhe unë isha. Por që nga pandemia kam arritur t’i lë dhe nuk do të marr më asnjë të tillë”, u shpreh Paige.
E njohur për rolet ikonike në “Evita”, “Cats”, “Chess” dhe “Sunset Boulevard”, Elaine Paige nuk ka performuar në skenë që nga izolimi i parë gjatë pandemisë.
Ajo vijon të jetë aktive në radio, ndërsa në korrik publikoi albumin e saj të ri, “Miscellaneous Paige”.