Karriera muzikore e këngëtares së famshme, Beyonce, mund të përballet me vështirësi pas akuzave të fundit ndaj bashkëshortit të saj, Jay-Z.
Një grua e paidentifikuar ka ndryshuar padinë e saj civile, duke përfshirë Jay-Z-n si një nga personazhet që e ka përdhunuar atë pas “MTV Video Music Awards” në vitin 2000.
Edhe pse reperi i famshëm ka hedhur poshtë këto akuzat dhe ka mohuar çdo lidhje me ngjarjen, padia ka sjellë shqetësime në lidhje me ndikimin që mund të ketë në karrierën e Beyonce-s.
Një burim i afërt me çiftin ka deklaruar për “RadarOnline” se, megjithëse akuzat nuk janë drejtpërdrejt të lidhura me yllin e muzikës, emri i saj është përmendur në spekulime dhe kritika në internet, duke e bërë situatën më të ndjeshme për të.
Pavarësisht mbështetjes që Jay-Z ka kërkuar nga bashkëshortja dhe fëmijët e tyre gjatë kësaj kohe, këto akuza mund të kenë pasoja negative për imazhin dhe karrierën e këngëtares.
Plani i Beyonce-s ishte të prezantonte një këngë të re gjatë shfaqjes së saj për ditën e Krishtlindjes dhe të shpallte “Aktin III” të sagës së albumit të saj, duke shënuar një epokë të re në karrierën e saj muzikore, përfshirë edhe një turne të madh. Megjithatë, ky plan mund të jetë i rrezikuar për shkak të pasojave të situatës ligjore që po përballet Jay-Z.
