Plot 8 vite kanë kaluar në një betejë ligjore dhe Brad Pitt e Angelina Jolie kanë arritur një marrëveshje përfundimtare divorci, duke shënuar një moment të rëndësishëm në procesin e ndarjes së tyre, duke e zyrtarizuar atë.
Avokati i Angelinës, James Simon, konfirmoi se marrëveshja është nënshkruar dhe theksoi se aktorja është “e lehtësuar” që kjo periudhë e vështirë ka përfunduar.
Ai vijoi duke shpjeguar se ajo tani është e fokusuar në gjetjen e paqes dhe shërimit, si për veten e saj, ashtu edhe për familjen, duke u angazhuar për të krijuar një të ardhme më të qetë për fëmijët.
Ky është një hap i rëndësishëm pas një periudhe të gjatë dhe të mundimshme, dhe Angelina shpreson që ndarja me Brad Pitt të përfundojë përfundimisht, duke i dhënë një mundësi asaj për një rimëkëmbje emocionale dhe për të gjithë familjen e saj.
