Jozi dhe Loredana kanë patur një mëngjes të ëmbël me njëri-tjetrin ditën e sotme. Teksa Jozi ndodhej në lavanderi duke hekurosur, aty ka shkuar dhe banorja.
Kur ai e pa, i kërkoi një përqafim. Loredana fillimisht e pa çuditshëm e u largua, por më pas e la Jozin që t’a përqafonte.
“Hajde të të përqafoj. Më fal, për çdo gjë më fal”, i tha banori teksa ajo e pa dhe më pas qeshi.
“Sinqerisht të them, prit të vishem dhe do flasim pastaj. Nuk kam për qëllim të bëj kurrë të ndihesh keq. Po ti ngaqë keqkuptohesh”, i tha më pas Jozi.
Kur Loredana bëri që të ikte, ajo u kthye sërish dhe e përqafoi e më pas u largua:
“Takohemi për jashtë”.
Kujtojmë se me rikthimin e Jozit në shtëpinë më të famshme në Shqipëri, “Big Brother VIP 4”, ai mbajti një qëndrim mjaft të ftohtë me Loredanën. Kjo e fundit i kërkonte herë pas here që të flisnin për raportin e tyre.
Gjërat ndryshuan kur gjatë lojës së mos reagimeve, në sfond u dëgjua një intervistë e Jozit jashtë shtëpisë dhe më pas edhe kënga e tij dedikuar banores.
