Juliana Nikolli është motra e banores së “Big Brother VIP 5”, Juela, e cila ditën e sotme ka dhënë një intervistë për emisionin “Shqipëria Live”. Ajo ka komentuar lojën e së motrës, por edhe gjestin e ish-banorit të shtëpisë më të famshme në Shqipëri, Seno, ndaj Juelës.
Gjatë Prime-t të së shtunës, Seno hyri në shtëpinë e BBV 5 dhe i dërgoi një buqetë të madhe me trëndafila. Lidhur me këtë, Juliana u shpreh se iu është bërë qejfi se e pëlqejnë Senon si personazh.
Por ajo shtoi se duke e njohur të motrën, për momentin nuk shikon diçka romantike, por vetëm miqësore.
Pjesë nga intervista:
Si e komenteve ti dhe familja juaj atë buqetë me lule të Senos?
Normalisht që ne na u bë shumë qejfi se Senon e kemi qejf si personazh, shumë lozonjar, shumë pozitiv. Na është bërë qejfi që Juela dhe Seno ishin duke krijuar një marrëdhënie shoqërore bashkë, normalisht e vlerësuam shumë. Buqetën me lule nuk e prisnim fare, por besoj se është më shumë një marrëdhënie miqësore.
Seno nuk e do miqësore, me sa u kuptua nga poezia
Nga poezia nuk na u duk shumë miqësore, por duke njohur motrën time dhe duke parë mimikat e saj…
Njeh motrën, po nuk njeh Senon. Ti nuk sheh shkëndija te motra jote për Senon?
Nuk e di, për momentin nuk shoh diçka romantike
Prindërit çfarë thanë?
Prindërit u gëzuan, se të gjithë e kemi shumë qejf Senon. Ne nuk ndërhyjmë te pëlqimet e Juelës, ajo e di më mirë se ne, por për momentin me aq sa e njoh nuk mendoj se është diçka më shumë.
