Këngëtari Klajdi Musabelliu ka ndarë një video në kujtim të këngëtarit Shpat Kasapi që ndërroi jetë ditën e djeshme.

Ish-banori i “Big Brother VIP 4” ka postuar në “Instagram” një moment nga darka e tyre e fundit, ku Shpati shfaqet i buzëqeshur, duke kërcyer dhe kënduar.

“Ishte darka jon e fundit vëlla, kështu do të kujtojë gjithmonë, duke kënduar e me buzëqeshjen tënde”, ka shkruar Klajdi Musabelliu në “Instagram”.

Këngëtari i njohur ka ndërruar jetë në moshën 40-vjeçare, si pasojë e një ataku në zemër, ndërsa ndodhej në Itali me familjen për një vizitë për djalin.

View this post on Instagram

A post shared by Klajdi Musabelliu 🎙🎼🎬📽🌚🌞💫 (@klajdimusabelliu)

Kasapi ka qenë një nga emrat më të njohur dhe më të dashur të skenës muzikore shqiptare.

Artisti, i cili prej më shumë se dy dekadash ishte një nga emrat më të dashur të skenës shqiptare, nuk ka arritur t’i mbijetojë sulmit kardiak, ndonëse nuk raportohej të kishte pasur probleme të mëparshme shëndetësore.