Ibiza nuk ndalon kurrë së befasuari dhe kënaquri vizitorët që e zgjedhin si destinacion, duke ofruar një numër shumë të madh atraksionesh të ndryshme, nga festat e famshme botërore dhe peizazhet e gjelbra, te plazhet e mrekullueshme dhe mundësitë për relaksim të plotë. Në këtë artikull gjashtë ekspertë të udhëtimeve me njohuri shumë të mira për ishullin ndajnë sekretet e tyre për një itinerar të veçantë në Ibiza.
José Manuel Molina, nga Nobu Hotel Ibiza Bay
Vendi im i preferuar…
Dalt Vila, pa dyshim. Ka diçka shumë qetësuese në shëtitjen përmes rrugicave të ngushta, përmes ballkoneve të bukura të vjetra dhe shtigjeve me kalldrem. Më pëlqen të “përthith” historinë, energjinë dhe pamjet – sidomos kur vëren Detin Mesdhe që shtrihet përtej mureve të lashta. Është Ibiza në formën e saj më të pavdekshme.
Për një eksperiencë të paharrueshme…
Shihni të dy anët e ishullit: bukurinë e paprekur dhe të egër të natyrës dhe energjinë unike të jetës së natës. Filloni me një ecje në mëngjes përgjatë shkëmbinjve, ose kaloni një moment të qetë në një plazh të fshehur, dhe pastaj shijoni mbrëmjen, ku fryma multikulturore e Ibizës do të jetë e paharrueshme.
Specialitetet që duhet të provoni…
Bullit de Peix është një pjatë tradicionale peshkatarësh, e pasur me shije unike dhe plot histori, ky është lloji i ushqimit që vërtet ka shijen e Ibizës. Për një përvojë të shkëlqyer, drejtohuni në “Can Bigotes” ose “S’Espartar”, ku mund ta shijoni atë vetëm disa hapa larg detit. Shijoni me një gotë verë të bardhë lokale të freskët.
Për ofertat më të mira të kujdesit për veten…
Filloni me një ecje nëpër shtigje të fshehura të ishullit, ku pamjet janë po aq rigjeneruese sa dhe lëvizja. Pastaj, relaksohuni me një sesion shërimi me tinguj në taracën e “Nobu Hotel Ibiza Bay” – ka diçka tek kombinimi i erës së detit dhe vibrimeve të thella që ju rigjeneron. Dhe për të përfunduar? Një masazh i personalizuar në “Ibiza Bay Spa” nga Six Senses – sepse asnjë përvojë nuk është e plotë pa atë çlirimin përfundimtar të tensionit.
Peizazhi më i mirë…
Për të përjetuar momentin më të paharrueshëm në Ibiza, merrni një varkë dhe drejtohuni drejt “Es Vedrá’”në perëndim të diellit. Të shikosh qiellin që kthehet në ngjyrë ari dhe rozë mbi formacionin misterioz të shkëmbinjve është një magji e vërtetë. Për diçka më të private, ngjituni në Sa Talaia, pika më e lartë e ishullit. Nga maja, do të keni pamje panoramike që shtrihen nga bregdeti deri në fshatrat, kjo është një anë e Ibizës që shumëkush nuk e di dhe e humbet si mundësi.
Diçka që e dinë vetëm ata që e njohin mirë ishullin…
Ju sfidoj të zbuloni magjinë e sezonit të dimrit!
José Manuel Molina është menaxheri kryesor i “Nobu Hotel Ibiza Bay”
Talana Bestall, nga Six Senses Ibiza
Vendi im i preferuar…
Calat dhe gjiret në veri të ishullit, ku ka më pak njerëz dhe një energji ndryshe nga jugu.
Për një përvojë që ndodh vetëm një herë në jetë…
Bëni shëtitje në Santa Agnès de Corona, është një rrugë bregdetare mahnitëse që të çon në gjire të fshehta.
Specialitetet lokale që duhen provuar…
Vitet e fundit, Ibiza është kthyer në një destinacion kulinarie. Ushqimet e detit janë gjithmonë një zgjedhje e shkëlqyer. Më të preferuarat e mia janë peshku vendas rotja (rotja fish, grouper), karkaleca të papërpunuar në feta të holla (carpaccio de gamba) dhe karkaleca të pjekura në skarë (cigalas a la plancha).
Për ofertat më të mira të kujdesit për veten…
Six Senses Ibiza ofron një përvojë të jashtëzakonshme wellness, duke bashkuar disa nga shëruesit më të mirë të ishullit. Mos e humbisni Alma Festival – tre ditë me eksperienca transformuese, duke përfshirë workshop-e, seanca shëruese, ceremoni në perëndim të diellit dhe darka komunitare. Një nga eksperiencat më unike është RoseBar, një klub wellness i udhëhequr nga eksperti Dr. Mark Hyman. Qoftë pas një nate të gjatë në Ibiza apo për të rigjetur ekuilibrin dhe freskinë, është mënyra ideale për ju.
Peizazhi më i mirë…
Es Vedrà në perëndim të diellit – gjithmonë në vend të parë.
Talana Bestall është themeluesja e “Alma Wellness Festival”, i cili zhvillohet në Six Senses Ibiza.
Ajo që e bën Ibizën kaq të veçantë është energjia e saj magjike që ndihet kudo.
Serena Cook nga Deliciously Sorted
Vendi im i preferuar…
Unë e dua notin gjatë gjithë vitit, dhe Cala Benirrás, plazhi im lokal, është vendi më i mirë për ta bërë këtë. Deti është jashtëzakonisht i pastër dhe në mes të gjirit gjendet një formacion shkëmbor i mahnitshëm. Dielli perëndon pas tij, ndërsa daullexhinjtë mblidhen në breg për të rrahur daullet në ritmin e perëndimit të diellit.
Për një përvojë që ndodh vetëm një herë në jetë…
Kërce! Kërcimi në Ibiza është unik. Ajo që e bën kaq të veçantë është energjia magjike që ndihet në të gjithë ishullin. Është e lirshme dhe e çlirët – për mua, është si terapi.
Specialitetet lokale që duhen provuar…
Pimientos de padrón janë speca të vegjël jeshilë që shërbehen si meze – dhe një në dhjetë është jashtëzakonisht djegës! Gjithashtu, vlen të provohen espardenyas, ose kastravecat e detit, të cilat janë si një version më i trashë i midhjeve dhe shërbehen me shumë hudhër.
Për një pjatë vërtet të shijshme, provoni një kombinim të karkalecave, patateve dhe vezës së skuqur. Ende ha debat nëse kjo recetë e ka origjinën në “Ses Boques” (një nga restorantet e mia të preferuara të peshkut, ende i paeksploruar plotësisht në Ibiza) apo në “Es Caló” në Formentera, ishullin fqinj të Ibizës.
Dhe patjetër duhet të provoni pijen tradicionale të ishullit, hierbas, një liker lokal që shërbehet me shumë akull dhe është një tretës i shkëlqyer pas vakteve.
Për ofertat më të mira të kujdesit për veten…
“Fincadelica” është një fermë tradicionale 300-vjeçare në Ibiza, e vendosur mes peizazhit mahnitës të ishullit, dhe ofron gjithçka që ju nevojitet për të rimarrë energjitë e duhura: mund të bëni shëtitje në pyll me pamje nga deti, të praktikoni yoga në platformë, të notoni në pishinën me ujë të kripur dhe të shijoni trajtime shëruese në suitën luksoze të spa-së.
Pamja më e bukur…
Es Vedrà është pamja ideale për Instagram-in, por një shteg i mrekullueshëm në bregun perëndimor të ishullit ju lejon ta shihni këtë vend magjik nga larg. Një nga shëtitjet e mia të preferuara përgjatë bregut quhet Heaven’s Gate.
Diçka që vetëm vendasit e dinë…
Ibiza quhet Ishulli i Bardhë për shkak të luleve të bajameve që çelin në shkurt. Ky është një moment i shkëlqyer për të zbuluar Ibizën jashtë sezonit turistik. Organizata ime bamirëse, “Ibiza & Formentera Preservation”, punon për të ruajtur bukurinë natyrore të ishullit.
Serena Cook është themeluesja e shërbimit luksoz të organizimit të eventeve dhe concierge, “Deliciously Sorted”.
Ishulli ende ka plazhe dhe vende të paprekura në natyrë, të fshehura nga turma, që kanë mbetur të njëjta prej brezash.
Leane Lacase, nga grupi hotelier Atzaró
Për një përvojë që ndodh vetëm një herë në jetë…
Shëtitjet e gjata në veri të ishullit, mes shtigjeve të fshehura dhe pyjeve me pisha, janë vërtet të veçanta.
Specialitetet lokale që duhen provuar…
Ibiza është kthyer në një destinacion gastronomik, ku mund të provoni një ushqim të ri çdo ditë. Ushqimi bio, direkt nga ferma në tryezë, te Aubergine Ibiza është gjithmonë në listën e vizitorëve.
Për ofertat më të mira të kujdesit për veten…
Atzaró Spa, i vendosur në kopshtet e resortit Atzaró Agroturismo Hotel, është një eksperiencë që nuk duhet humbur. Pishina me ujë të freskët 43 metra e gjatë, kopshti i spa-së dhe ambientet e tij janë ikonike.
Diçka që vetëm vendasit e dinë…
Ishulli ende fsheh plazhe sekrete dhe zona të paprekura në natyrë, të cilat kanë mbetur të njëjta brez pas brezi.
Leane Lacase është drejtoreshë e PR-it dhe marketingut në Atzaró hotel group.
Udhëtoni me motor përgjatë rrugës bregdetare në veri të ishullit. Është një rrugë mahnitëse, me disa vende spektakolare ku mund të ndaloni për të shijuar pamjet.
Xavier Padovani, nga Experimental Group
Vendi im i preferuar…
La Paloma ka një stil të veçantë dhe natyral – një vend i mrekullueshëm me ushqim fantastik. Për mua, ky restorant përmbledh më të mirën e Ibizës. Nuk kam takuar askënd që të mos jetë dashuruar me të.
Për një përvojë që ndodh vetëm një herë në jetë…
Notoni herët në mëngjes te Aguas Blancas, në veri të ishullit, dhe shijoni perëndimin e diellit te Experimental Beach Ibiza.
Pamja më e bukur…
Udhëtoni me motor përgjatë rrugës bregdetare në veri të ishullit. Është një rrugë mahnitëse, me disa vende të jashtëzakonshme për të ndaluar dhe shijuar pamjet.
Diçka që vetëm vendasit e dinë…
Një punishte qeramike që vlen të vizitohet është Alfarería Sa Teulera, e specializuar në statuja të vogla. Sa herë që shoh ato që kam blerë për shtëpinë time, ndjej se kam me vete një copëz të Ibizës.
Xavier Padovani është partner në Experimental Group, i cili menaxhon Experimental Beach Ibiza.
Ka paqe dhe qetësi kudo rreth meje
Maga von Korff, nga Cas Gasi
Vendi im i preferuar…
Vendi ku jetoj, Cas Gasi. Ndodhet në zemër të ishullit, i rrethuar nga natyra, ullinjtë dhe kopshti i qetësisë – pjesë e programit tonë të bujqësisë rigjeneruese. E ndjej veten të lidhur me këtë tokë pjellore, ku mbretëron paqja dhe qetësia.
Për një përvojë që ndodh vetëm një herë në jetë…
Varet nga stili juaj i jetesës. Unë i kam provuar thuajse të gjitha eksperiencat e Ibizës, por sot, për mua, luks i vërtetë është një shëtitje e bukur në natyrë. Çdo mëngjes ec nga Cas Gasi deri në fshatin Santa Gertrudis, rreth 40 minuta nëpër shtigje të fshehura dhe pyje. Një tjetër eksperiencë e mrekullueshme është ecja pranë baseneve të kripës te Es Cavallet, ku shtigjet e vogla zbulojnë pamje të papritura të jetës së egër dhe shpendëve natyrorë.
Specialitetet lokale që duhen provuar…
Unë gjithmonë shijoj sardelet, açuge, peshk skumbri dhe barbun. Një kënaqësi e veçantë është peshku akrep, i pjekur në skarë ose me salsa verde, kur vizitoj Formenterën.
Pamja më e bukur…
E dua pamjen e qytetit të vjetër të Ibizës nga marina – është magjepsëse.