Pak para se të ndërronte jetë, thuhet se Princesha Diana ka ndarë një reflektim të sinqertë dhe të hidhur me një mik të ngushtë rreth intesvistës së saj të famshme në “Panorama”.
Ajo nuk ishte penduar se zbuloi detaje nga jeta apo ndarja e saj, por barra më e madhe ishte ndikimi që kjo intervistë pati te dy djemtë e saj, William dhe Harry, në atë kohë 15 dhe 12 vjeç.
Mikesha e Princeshë Diana-s, Rosa Monckton, ka thënë se ajo ndjeu se intervista i kishte lënduar fëmijët e saj. Ajo pranoi se e bëri sepse nuk dinte si tjetër ta përballonte presionin dhe brishtësia e saj e bënte të prekshme ndaj gazetarit Martin Bashir.
Kujtojmë se Intervista historike e vitit 1995, e ndjekur nga miliona shikues në të gjithë botën, ishte plot me zbulime personale rreth martesës së saj me Charles dhe vështirësive me të cilat ajo u përball, siç është bulimia.
Ajo vetë kishte përmendur frazën e famshme për praninë e një pale të tretë në martesën e saj, duke iu referuar aferës së Charles me Camilla Parker Bowles. Deri atëherë, çifti ishte ndarë tashmë, ndërsa divorci erdhi në vitin 1996.
Disa vite më parë, një hetim zbuloi se gazetari kishte përdorur metoda mashtruese për të marrë intervistën. BBC kërkoi falje publikisht dhe u zotua të mos e transmetojë më , ndërsa Princat William dhe Harry kanë folur hapur për dhimbjen që u shkaktoi kjo intervistë.
Rosa e përshkroi Dianën si një grua që mbante brenda gjithçka që kishte përjetuar dhe ndjente keqardhje për ndikimin në jetën e fëmijëve të saj. Të dy princat kanë thënë se intervista ndikoi ndjeshëm në marrëdhënien e tyre me nënën e tyre dhe në jetën e tyre në përgjithësi.
