Anton Prendi, menaxheri dhe miku i Shpat Kasapit ka folur në “Shqipëria Live” për ndarjen e papritur nga jeta të artistit.
Ai tha se e ka të vështirë ta besojë pasi Shpati nuk ka patur probleme shëndetësore të mëparshme që të sillnin atakun kardiak. Ai shtoi se kishte dashur ta shihte Shpatin sa më të suksesshëm.
“Shpresoja që gjithçka të ishte ëndërr. Është e vështirë të besoj se nuk është më. Njihemi prej shumë vitesh por prej 3 vitesh punonim bashkë. Mesa di unë nuk ka patur probleme shëndetësore. Ai donte të hynte në ‘Big Brother vip’, ishte dëshirë e të dyve. Unë kam insistuar më shumë. Biseda e fundit ka qenë për këngën që do bënte me Erik Lloshin.
I biri ka probleme me të folurën dhe po mjekohej për këtë gjë. Shpati ishte i përkushtuar tek ai. Shpati ishte i afruar me të gjithë. Nuk kishte debate me askënd. Unë do doja ta shihja sa më lart, i kishte mundësitë për të qenë shumë i skusesshëm.”- tha ai.
