Do kalonte natën në oborr dhe zgjuar, Tea zgjodhi ta shoqëronte Luizi (VIDEO)

“Vëllai i Madh” ka sfiduar mbrëmjen e djeshme banorët me një lojë të quajtur “E panjohura”. Në një vazo ishin të vendosura 13 gogla, ku në to kishte disa kërkesa, të cilat do t’i zbatonin banorët.

Në momentin që binte gongu në led shfaqej emri i personit që do bënte sfidën. Ish-konkurrentja e “Për’puthen”, Tea Trifoni, zgjodhi një gogël ku në të ishte e shkruar që do kalonte natën zgjuar në oborr. Gjithashtu ajo duhej të merrte dhe një banor tjetër që ta shoqëronte dhe Tea tha emrin e Luiz Ejllit.

Nga ana tjetër, këngëtarit të njohur i ra që të pinte një shishe verë për dy orë. Edhe Luizi do zgjidhte dikë për ta shoqëruar. E duke qenë se do kalonte gjithë natën me Tean në oborr dhe zgjuar, zgjodhi pikërisht atë që ta kryente sfidën e tij.