DJ i njohur italian, Gabry Ponte, që përfaqësoi San Marinon, arriti në finale në natën e parë gjysmëfinale me këngën “Tutta l’Italia”. Megjithatë, njerëzit vetëm tani e kanë kuptuar se ky DJ njihet për një hit të viteve ’90 dhe shumë njerëz nuk e njohin atë tani. 51-vjeçari e filloi karrierën e tij në grupin eurodance ‘Eiffel 65’, kënga e të cilit e vitit 1999 “Blue” (Da Ba Dee) u bë një hit global. Kënga kryesoi listat muzikore në më shumë se 15 vende dhe shiti më shumë se 8 milionë kopje.
Grupi publikoi albumin e tyre të parë “Europop” në të njëjtin vit, i cili arriti shitje të trefishta platini. Në albumin e tyre të dytë “Contact!” ishte edhe hiti “One Goal”, himni i Kampionatit Evropian të Futbollit 2000. Nga rruga, grupi italian zgjodhi emrin e tij në një mënyrë interesante. “Eiffel” u zgjodh rastësisht nga një program kompjuterik, ndërsa numri “65” ishte në fakt pjesë e një numri telefoni që ishte shkruar gabimisht pranë emrit të tyre në regjistrimin demo. Ponte u largua nga grupi në vitin 2005 dhe u bë një nga DJ-të më të njohur në Itali.
Sonte mbahet gjysmëfinalja e dytë e Eurovisionit, ku 16 shtete do të garojnë për të siguruar 10 vendet e fundit në finalen e madhe, e cila zhvillohet të shtunën, më 17 maj. Pas një hapjeje spektakolare të martën, festivali rikthehet me natën e dytë garuese, duke sjellë në skenë emocione, energji dhe performanca të nivelit të lartë. Artistë të talentuar nga mbarë Evropa do të ngjiten sonte në skenën e Bazelit, mes dinamikash të forta dhe tensioni konkurrues.
Shqipëria, e përfaqësuar këtë vit nga Shkodra Elektronike me këngën “Zjerm”, është tashmë e kualifikuar për në finalen e madhe, pasi arriti të fitojë votat e publikut në gjysmëfinalen e parë, më 13 maj. Tashmë, gjithë vëmendja e përfaqësuesve shqiptarë është përqendruar tek nata e finales, ku do të vendoset fituesi i këtij edicioni të Eurovisionit.
