Prej disa kohësh, Hande Erçel është në qendër të vëmendjes së mediave dhe publikut, shkak u bë ndarja nga partneri i saj Hakan Sabancı. Por ditët e fundit, disa portale rozë dhe rrjete sociale shpërndanë lajmin se aktorja e famshme turke është bërë nënë ose ka marrë kujdestarinë e fëmijëve binjakë me sëmundje të lindura në zemër.
Titujt si “Anne oluyor” (“Po bëhet nënë”) u përhapën shpejt dhe ngjallën shumë kureshtje te fansat e saj në Turqi dhe jashtë saj.
Por mesa duket, këto pretendime rezultojnë të jenë thjesht spekulime, pa asnjë bazë të vërtetuar. Portale serioze turke theksuan se Hande Erçel nuk ka bërë asnjë deklaratë publike lidhur me këtë temë dhe nuk ka asnjë fakt që ta mbështesë lajmin e përhapur.
Raportimet e mediave të besueshme konfirmojnë se aktorja nuk është martuar dhe nuk ka fëmijë, ndërsa lajmet për “kujdestarinë ligjore të binjakëve” janë trillime që i shtohen listës së gjatë të thashethemeve rreth saj.
Fansat duhet të jenë të kujdesshëm ndaj thashethemeve dhe lajmeve të paverifikuara që shpërndahen në rrjetet sociale. Deri tani, nuk ka asnjë konfirmim zyrtar se Hande Erçel është bërë nënë apo ka marrë kujdestari mbi ndonjë fëmijë.
