Një familje në Kinë ka shkaktuar debat në rrjet pasi ka përdorur një klon digjital me inteligjencë artificiale të një burri të vdekur, në mënyrë që ai të komunikojë me nënën e tij përmes video-callit.
E krijuar pas vdekjes së burrit në një aksident automobilistik, kopja me AI është ndërtuar nga fotografi, video dhe regjistrime zëri të tij. Ajo është aq e ngjashme me të vërtetin sa imiton zërin, mënyrën e të folurit dhe madje edhe disa sjellje karakteristike.
Nëna 80-vjeçare e burrit nuk është informuar kurrë për vdekjen e tij dhe vazhdon të besojë se ai jeton dhe punon në një qytet tjetër. Për të ruajtur këtë iluzion dhe për t’ia kursyer tronditjen në moshë të thyer, familja organizon video-thirrje me klonin AI, ku ai “flet” me të.
Ajo i jep këshilla të kujdeset për veten, të hajë mirë dhe të vishet ngrohtë, ndërsa ai i përgjigjet duke i thënë se së shpejti do ta vizitojë.
Familja ka vendosur të mos zbulojë të vërtetën për shkak të moshës dhe gjendjes së saj shëndetësore, përfshirë problemet me zemrën.