Këngëtarja e njohur, Dua Lipa, ka ndarë detaje të reja nga jeta e saj private, duke zbuluar një nga zakonet më të dashura që ndan me bashkëshortin e saj, aktorin Callum Turner.
Në një klip të publikuar për “British Vogue”, artistja tregoi se çifti ka krijuar një ritual të veçantë mëngjesi, të cilin e quajnë me shaka “Cal’s caff”, një version i tyre i mëngjesit perfekt të përbashkët.
Ne kemi këtë gjë tonën, e quajmë ‘kafeja e Cal-it’. Është mëngjesi, sepse ai e bën shumë mirë
-tha Dua.
Sipas saj, ky mëngjes është një kombinim i pasur ushqimesh tipike britanike, që përfshin krumpeta me gjalpë dhe Marmite, të shoqëruara me vezë, proshutë, salçiçe, domate, kërpudha dhe avokado, praktikisht gjithçka që mund të dëshirosh në një mëngjes të plotë.
‘Cal’s caff’ është një përvojë e shkëlqyer. Është gjëja ime e preferuar
-shtoi ajo me humor.
Dua tregoi gjithashtu se të dy kalojnë shumë kohë në kuzhinë dhe e shijojnë gatimin së bashku, duke e kthyer atë në një moment relaksi dhe lidhjeje mes tyre. Megjithatë, me shaka ajo pranoi se beson se ka aftësi pak më të mira në kuzhinë sesa bashkëshorti i saj.
Çifti ka qenë në qendër të vëmendjes edhe për jetën e tyre private që pas martesës së tyre më 31 maj 2026, fillimisht në një ceremoni intime në Old Marylebone Town Hall në Londër, e ndjekur më pas nga një festë madhështore në Villa Valguarnera në Palermo, Itali.
Mes karrierave të tyre të ngarkuara, duket se momentet e thjeshta si mëngjesi i përbashkët janë kthyer në pjesën më të rëndësishme të përditshmërisë së çiftit.