Aktorja e njohur amerikane, Whoopi Goldberg, ka folur hapur për jetën e saj personale, duke theksuar se ndihet shumë e lumtur vetëm dhe nuk ka dëshirë të jetojë me një partner.
Në një deklaratë të fundit, Goldberg u shpreh se nuk është në kërkim të një burri dhe se prej vitesh ka kuptuar që jo të gjithë njerëzit janë të krijuar për lidhje afatgjata.
“Në 25 vitet e fundit, kam kuptuar se jo të gjithë janë bërë për një lidhje. Disa njerëz janë bërë thjesht për aventura një-natëshe. Nuk dua të jetoj me askënd. Jetova me vajzën time dhe kjo është e gjitha që mund të përballoj. Ka shumë njerëz që i dua, por nuk kam nevojë të fle me ta”, është shprehur ajo.
Goldberg, e cila është martuar tri herë gjatë jetës së saj, pranon se nuk është e mirë në marrëdhënie, pasi mendon se kërkojnë shumë përkushtim.
“Nuk jam e mirë në këtë, sepse duhet të mendoj për njerëzit e tjerë, dhe kam mjaftueshëm për të menduar me vajzën time, burrin e saj dhe të gjithë njerëzit përmes punës”, shtoi aktorja.
Megjithatë, ajo thekson se nuk ndihet e vetmuar, pasi ka njerëz të shumtë pranë që e mbështesin dhe e bëjnë të ndihet mirë.
“Njerëzit vazhdojnë të më thonë se do të gjej dikë, por unë nuk dua. Jam shumë e lumtur, nuk dua të jetoj me askënd. Nuk dua të ndaj para, e di që është e tmerrshme, por nuk dua ta bëj”, u shpreh Goldberg.
