Këngëtarja e famshme, Olivia Rodrigo, ka zbuluar së fundmi një incident të pazakontë që i ka ndodhur teksa udhëtonte nga Kanadaja në Portland.
E ftuar në emisionin e Jimmy Fallon, 21-vjeçarja rrëfeu se si pjesë e turneut të saj botëror, ajo ishte në ‘telashe me ligjin’ për herë të parë.
“Kemi qenë në kontrollin e kufirit, jap pasaportën dhe më thonë ‘ok, kaloni’. Por më pas trokasin në derën e autobusit dhe thonë ‘na duhet Olivia’. Fillimisht mendova se polici mund të donte një autograf”, tha ylli i muzikës.
Më tej fituesja e çmimit “Grammy” rrëfeu se: “Ishte ora 3 e mëngjesit dhe isha i rraskapitur. Më pyetën nëse isha arrestuar ndonjëherë. Unë iu përgjigja “jo, nuk jam arrestuar”, por ata vazhduan “je i sigurt?” dhe fillova të dyshoj. Mendova ‘ndoshta më kanë arrestuar sërish dhe nuk e mbaj mend?’”.
Pas 30 minutash, oficeri e pyeti përsëri emrin e saj, në këtë moment Rodrigo tha: “Olivia Rodrigo, R-O-N-T-R-I-G-O”.
“Më pas efektivët më thanë se kishte ndodhur një keqkuptim. Më tha se është një vajzë që më ngjan shumë, është në të njëjtën moshë dhe është arrestuar shumë herë. Emri i saj është Olivia Rodriguez ”, përfundoi këngëtarja dhe tekstshkruesja.
