Në vitin 1995, Dr. Bryan Cox solli në jetë Lauren Cortez në Methodist Hospital në San Antonio, Teksas. 25 vite më vonë, Lauren u rikthye në të njëjtin spital, por këtë herë për të sjellë në jetë djalin e saj, Logan James, më 26 korrik 2020.
Familja madje rikrijoi fotot e bëra pas lindjes së Laurenit, vetëm se këtë herë ajo po mbante në krahë djalin e saj të porsalindur, pranë të njëjtit mjek që e kishte sjellë në jetë 25 vite më parë.
Gjatë karrierës së tij, Dr. Cox kishte asistuar në lindjen e më shumë se 5,000 bebeve. Për Logan, ai përsëriti edhe një traditë të veçantë: i këndoi “Happy Birthday”, ashtu siç kishte bërë për nënën e tij, Lauren, kur ajo kishte lindur.