Eddie Murphy do të bëhet baba për të nëntën herë. Paige Butcher, e fejuara 36-vjeçare e aktorit komik amerikan, do të lindë në maj të vitit që vjen. Zëdhënësi i aktorit ka konfirmuar lajmin të publikuar në programin televiziv “Entertainment Tonight”.
Për Murphy-n, 54 vjeç, bëhet fjalë për fëmijën e nëntë nga pesë gra të ndryshme që ka pasur deri tani. Fëmija i parë ka ardhur në jetë me një aktore australiane, partnerja e tij prej katër vjetësh.
Eddie Murphy ka tetë fëmijë për momentin, mes 8 dhe 26 vjeç: Eric, i lindur në 1989 nga marrëdhënia me Paulette McNeely; Christian, i lindur në 1990 nga lidhja me Tamara Hood.
Pesë janë në fakt fëmijët që ka nga martesa që ka pasur me ish-gruan Nicole Mitchell, të njohur në 1988-ën dhe me të cilën u martua në vitin 1993, për t’u divorcuar më pas në 2006-ën.
Ndërkohë, nga lidhja me ish-“Spice Girl”, Melanie Brown në vitin 2007, ka pasur Angel Iris Murphy Brown, duke e pranuar vetëm pasi Mel B e kishte çuar çështjen në gjykatë, pas kërkesës për testin e ADN-së që konfirmoi atësinë.
5 nëntor 2015 (gazeta-Shqip.com)