Aktorja e famshme, Demi Moore, shprehu trishtimin e saj për vdekjen e Rob Reiner dhe bashkëshortes së tij, Michele, duke zbuluar se fëmijët e tyre njihen që kur ishin të vegjël dhe se janë rritur së bashku.
Përmes një postimi në llogarinë e saj personale në “Instagram”, Moore tha se kishte punuar shumë herë me regjisorin dhe se gjithmonë e admironte atë, si dhe gruan e tij. Moore gjithashtu pohoi se ata ishin prindër shumë të mirë
“Nuk ka fjalë për të shprehur vërtet shkatërrimin e pakuptueshëm të humbjes së Rob dhe Michelle Reiner. Fëmijët tanë u rritën së bashku, ne punuam së bashku dhe, meqenëse jetët tona janë të ndërthurura personalisht dhe profesionalisht, unë gjithmonë do t’i kujtoj momentet dhe kujtimet e asaj që ndamë. Ata ishin njerëz të mrekullueshëm dhe prindër të mrekullueshëm që dhanë nga vetja për ta bërë botën një vend më të mirë. Zemra, mendimet dhe lutjet e mia janë me familjen, miqtë dhe të gjithë të prekurit nga kjo tragjedi”, shkruan aktorja e famshme bashkëngjitur me fotot e publikuara në “Instagram”.
Në të parën shfaqen Rob Reiner dhe Michele Reiner, ndërsa në të dytën, ajo shihet duke qëndruar pranë regjisorit, së bashku me Tom Cruise dhe Kevin Bacon në sheshxhirimin e filmit “A Few Good Men”.
