Në Japoni, Shoji Morimoto ka krijuar një mënyrë të pazakontë për të siguruar të ardhura: ai u ofron të panjohurve thjesht praninë e tij. Aktiviteti i tij i sjell më shumë se 100 dollarë në vit. Klientët e kontaktojnë për situata nga më të ndryshmet. Disa e ftojnë për të ngrënë ose për të pirë diçka, të tjerë duan vetëm dikë që t’i dëgjojë, ndërsa ka edhe persona që kërkojnë shoqëri për të mos u ndier vetëm.
Morimoto nuk pretendon të jetë këshilltar apo profesionist në një fushë të caktuar. Ideja e tij është pikërisht të jetë i pranishëm pa marrë përsipër detyra apo shërbime të veçanta. Koncepti i pazakontë e ka bërë atë të njohur në Japoni dhe në rrjetet sociale. Historia e tij ka tërhequr gjithashtu vëmendjen e mediave dhe ka frymëzuar edhe një serial televiziv. Rasti i Morimotos tregon se edhe një ide jashtë modeleve tradicionale të punës mund të shndërrohet në profesion, veçanërisht në një shoqëri ku vetmia dhe nevoja për shoqëri po marrin gjithnjë e më shumë vëmendje.