Kylian Mbappé dhe aktorja spanjolle Ester Expósito kanë rikthyer vëmendjen te lidhja e tyre e përfolur, pasi u fotografuan së bashku gjatë pushimeve në Ibiza.
Dyshja u pa në një jaht duke kaluar kohë pranë njëri-tjetrit, duke u puthur, përqafuar dhe mbajtur për dore, duke forcuar edhe më shumë zërat se mes tyre ka nisur një romancë.
Gjatë ditës në det, Expósito u shfaq me dy modele të ndryshme bikini. Në jaht ndodhej edhe aktori Sergio Momo, bashkë-ylli i saj në serialin “Elite”, i cili u pa duke i bërë fotografi aktores.
Mbappé dhe Expósito janë përfolur si çift që prej fillimit të vitit 2026. Thashethemet nisën në mars, kur dyshja u pa duke hipur në të njëjtën makinë gjatë Javës së Modës në Paris.
Në muajt që pasuan, ata u fotografuan disa herë së bashku. Në maj, dyshimet u shtuan pasi u panë duke shkëmbyer momente intime gjatë një tjetër pushimi në jaht në Ibiza.
Asnjëri prej tyre nuk e ka konfirmuar publikisht marrëdhënien, por paraqitjet e fundit kanë bërë që vëmendja ndaj dyshes të rritet sërish.
Expósito u bë e njohur ndërkombëtarisht falë rolit të Carla Rosón në serialin e Netflix, “Elite”.
Pas suksesit të serialit, aktorja spanjolle është shfaqur edhe në projekte të tjera televizive dhe filmike, përfshirë “Someone Has to Die” dhe “Venus”.