Noah Cyrus, motra e vogël e Miley Cyrus, ka tërhequr vëmendjen në rrjetet sociale me një fotosesion të pazakontë, të realizuar në një peizazh shkretinor dhe me një estetikë të errët e avangarde.
Këngëtarja 26-vjeçare publikoi në Instagram një seri fotografish nga seti, ku shfaqet me një stil të guximshëm dhe një imazh që përputhet me identitetin alternativ që ka ndërtuar gjatë viteve.
Në disa prej fotove, Noah pozon me çorape të zeza transparente, taka dhe një kostum trupi, ndërsa në imazhe të tjera shfaqet topless, duke mbuluar gjoksin me duar.
Një tjetër fotografi e tregon këngëtaren të kthyer me shpinë nga kamera, duke vënë në pah tatuazhet dhe flokët e saj të zinj.
I realizuar në momentet e perëndimit të diellit, fotosesioni krijon një atmosferë misterioze dhe dramatike, me ngjyrat e errëta që kontrastojnë me peizazhin e shkretëtirës.
Noah e shoqëroi publikimin me një varg nga kënga “The Dark Eyed Sailor”:
“Sepse dita kaloi dhe nata filloi”, së bashku me emoji që lidhen me mbrojtjen dhe betejën.
Ndryshe nga motra e saj e famshme, Noah Cyrus ka zgjedhur ndër vite një rrugë artistike më alternative, duke krijuar një identitet të veçantë në muzikë dhe në stilin e saj vizual.
Në jetën personale, Noah është e fejuar me stilistin gjerman Pinkus, me të cilin u fejua në vitin 2023.
Ndërkohë, marrëdhënia e saj me familjen ka tërhequr gjithashtu vëmendjen e mediave, veçanërisht pas spekulimeve për një përçarje mes saj dhe nënës, Tish Cyrus.
Megjithatë, nënë e bijë kanë dhënë sinjale të kundërta ndaj këtyre zërave, duke u shfaqur së bashku në rrjetet sociale dhe në evente publike.