Shtëpia në Nju Jork ku jetonte e ndjera Ivana Trump ka dalë në treg për 26.5 milionë dollarë. Kjo vjen vetëm katër muaj pasi ajo u gjet e vdekur në fund të shkallëve të pronës luksoze.
Mediat e huaja shkruajnë se të ardhurat nga shitja e shtëpisë 8725 metra katrorë në 10 East 64th Street në Manhattan, do të ndahen mes tre fëmijëve të Ivanës: Donald Trump Jr., Eric Trump dhe Ivanka Trump.
Ivana bleu shtëpinë për 2.5 milionë dollarë në vitin 1992, në të njëjtin vit që u finalizua divorci i saj nga ish-presidenti i Shteteve të Bashkuara të Amerikës, Donald Trump.
Shtëpia në fjalë ka pesë dhoma gjumi, por mund të rinovohet për më shumë, kanë thënë agjentët. Dy nga katet janë të ndara në disa dhoma, por agjentët kanë shtuar se ato hapësira mund të kombinohen për të përfituar nga gjerësia e plotë e shtëpisë së qytetit 20 metra të gjerë.
Agjentët vunë në dukje gjithashtu se pronarët e rinj do të duan të bëjnë një rinovim të rëndësishëm.
Ndërsa fëmijët e Ivana Trump po kërkojnë 26.5 milionë dollarë të plota për shtëpinë mbretërore të qytetit, një ndërmjetës i “Upper East Side” parashikoi se do të shitet për shumë më pak.
“Ajo ka nevojë për një rinovim total”, sipas Curbed, duke shtuar: “Unë mendoj se do të shitet për 17 milionë dollarë ose 18 milionë dollarë”.
Sipas Curbed, kjo pronë luksoze është shumë e mbiçmuar sa mund të trembë blerësit seriozë.
Ndërkohë kujtojmë se 73-vjeçarja u gjet e vdekur në fund të shkallëve të shtëpisë, në korrik me dëmtime të mprehta në bust. Vdekja e ish-bashkëshortes së Donald Trump u cilësua si aksident.
