Mediat e huaja kanë publikuar fotot që tregojnë Sean Diddy Combs dhe Jennifer Lopez në një debat të fortë. Imazhet në fjalë janë realizuar në një festë pas ndarjes së çmimeve “MTV Video Music Awards 2000”.
Takimi mes dyshes, të cilët ishin të lidhur në atë kohë, ndodhi në të njëjtën natë që Diddy tani përballet me akuzat për një sulm të rëndë seksual që përfshin një të mitur.
Sipas “Daily Mail”, nata e 7 shtatorit 2000 filloi me reperi dhe këngëtaren që ndiqnin “MTV VMA” në “Radio City Music Hall”. Ndërsa ylli i muzikës vodhi shfaqjen me veshjen e saj verbuese të bardhë, festa shpejt u zhvendos në klubin e natës tashmë të zhdukur Lotus, ku priste një festë e mbushur me yje e organizuar nga reperët Eminem dhe Dr. Dre.
Pavarësisht atmosferës festive, një dëshmitar okular ka treguar se tensioni mes çiftit ka nisur qysh herët. “Diddy mbajti një shishe shampanjë Cristal gjatë gjithë kohës, duke u shërbyer mysafirëve të tij”, kujton burimi. Por me kalimin e natës, “tensionet u ngritën mes tij dhe J.Lo”, duke çuar në një shkëmbim të tensionuar që nuk kaloi pa u vënë re.
Motra e J.Lo-së, Lynda, u përpoq të qetësonte tensionin duke kërcyer, por shkëmbimi i zjarrtë vazhdoi, duke përfunduar vetëm kur Diddy bëri një dalje të papritur me Lopez dhe shoqëruesit e tyre.
Kujtojmë se këto imazhe dalin në dritë ndërsa Diddy përballet me një padi të sapo ngritur që e akuzon atë për sulm seksual ndaj një vajze 13-vjeçare në të njëjtën natë me festën, megjithëse sulmi i supozuar thuhet se ka ndodhur në një rezidencë private larg klubit të natës.