Drama ligjore mes Angelina Jolie dhe Brad Pitt ka marrë një tjetër kthesë të fortë, këtë herë në favor të aktores.
Një gjykatës në Los Angeles vendosi se Brad Pitt nuk mund ta detyrojë ish-bashkëshorten e tij të dorëzojë komunikimet private që lidhen me konfliktin për vreshtarinë Château Miraval.
Gjykata pranoi argumentin e Jolie se këto dokumente mbrohen nga privilegji avokat-klient, duke i mbajtur ato jashtë aksesit të palës tjetër.
Avokati i saj e quajti vendimin një “fitore të madhe”, duke akuzuar Pitt se ka shkuar shumë larg në përpjekjet për të siguruar materiale konfidenciale. Nga ana tjetër, burime pranë aktorit këmbëngulin se beteja nuk ka përfunduar dhe se çështja mund të rishikohet në vijim.
Përplasja për Château Miraval nisi në vitin 2022, kur Brad Pitt paditi Angelina Jolie për shitjen e aksioneve të saj. Që atëherë, konflikti është kthyer në një luftë të ashpër ligjore me akuza të forta dhe dokumente të ndjeshme.
Edhe pse divorci i tyre u finalizua në vitin 2024, duket se saga mes Angelina Jolie dhe Brad Pitt është larg fundit, dhe çdo zhvillim i ri vetëm sa e bën më të tensionuar këtë histori që ka mbajtur publikun të mbërthyer prej vitesh.