Një ish-oficere burgu, Alicia Davis, ka treguar se iu desh të hiqte dorë nga puna e saj për shkak të bukurisë.
32-vjeçarja nga Gold Coast në Australi, rrëfeu se puna e saj shkoi në një pikë që u bë mjaft e vështirë dhe sfiduese pasi të burgosurit meshkuj provonin fatin me të, edhe pse kjo e fundit nuk flirtonte dhe nuk u jepte vëmendje.
“Daily Mail” shkruan se ajo tashmë është bërë një modele e faqes për të rritur, “OnlyFans”, me kohë të plotë. Si pasojë, ajo ka hequr dorë përfundimisht nga të qenit oficere.
Alicia ka treguar se edhe pse mbante gjithmonë veshur uniformën e saj të punës, pamja i joshte të burgosurit, duke zemëruar kështu gratë dhe të dashurat e tyre gjatë vizitave familjare.
Modelja, e cila numëron 119,000 ndjekës në “Instagram”, fitonte 46,000 £ në vit, por tani fiton 280,000 £.
“Daily Mail” shkruan se 32-vjeçarja e preferon shumë jetën e saj të re sesa të vjetrën, ku ndihej vazhdimisht e synuar për të qenë e bukur.
“Të burgosurit kujdeseshin të më përshëndesnin çdo ditë. Ata nuk e bënë këtë me asnjë personel tjetër femër. Ata më pyesnin se si po shkonte dita ime ose në cilën orë mbaroja, qindra herë gjatë çdo turni.
Ose do të komentonin për pamjen time, si për shembull: Ti dukesh shumë mirë sot” ose duke vënë re detajet më të imta në pamjen time. Nëse do t’i kisha lidhur flokët ndryshe, ata do t’i dallonin menjëherë.
Ishte e ëmbël prej tyre, por ishte kaq e rëndësishme për mua t’u thosha se këto lloj komentesh nuk janë të përshtatshme.
Kush nuk do të gëzonte vëmendjen dhe komplimentet, por unë duhej t’i refuzoja vazhdimisht.
Disa nga bashkëshortet vinin gjatë orarit të vizitave dhe thjesht më shikonin keq.
Të burgosurit nuk lejoheshin të putheshin gjatë vizitave, por shumë u përpoqën gjithsesi. Shpesh më duhej të ndërhyja për të ndarë çifte, gjë që i bezdiste gratë ose të dashurat që mërziteshin dhe e merrnin personale.
Unë kurrë nuk kam kontrolluar të burgosurit meshkuj, por kam kontrolluar vizitorët femra, që ndoshta është një arsye tjetër që ato u indinjuan aq shumë”, ka zbuluar Alicia Davis.
