Influencerja dhe kuzhinierja e njohur në rrjete sociale, Tini Younger, ka reaguar për herë të parë publikisht pas humbjes tragjike të njërës prej vajzave të saj binjake. Ajo njoftoi në fund të nëntorit 2025 se vajza e saj Arya kishte ndërruar jetë pas komplikacioneve gjatë lindjes.
Në një postim emocional në Instagram, Tini ndau disa fotografi me vajzën e saj të porsalindur dhe u dha ndjekësve një përditësim mbi gjendjen e saj dhe të vajzës tjetër binjake, të cilën e quan L. Ajo shkroi se vogëlushja është mirë dhe se familja po përpiqet çdo ditë të ecë përpara mes dhimbjes.
Tini tregoi se e kujtojnë çdo ditë Aryan dhe se beson që ajo vazhdon të jetë e pranishme në jetën e motrës së saj, duke e shprehur këtë me fjalë prekëse që kanë emocionuar ndjekësit e saj. Ajo shtoi se ende nuk është gati të rikthehet plotësisht në rrjetet sociale, pasi po kalon një periudhë të vështirë shërimi emocional dhe fizik, për shkak edhe të komplikacioneve pas lindjes.
Influencerja falënderoi të gjithë ata që i kanë dërguar mesazhe mbështetjeje dhe dashurie, duke theksuar se kjo energji pozitive e ndihmon të përballojë një nga periudhat më të vështira të jetës së saj.
Më 26 nëntor 2025, Tini kishte njoftuar publikisht se humbi vajzën e saj binjake Arya pas një shkëputjeje të placentës, pak javë para përfundimit të shtatzënisë. Ajo kishte theksuar se, pavarësisht tragjedisë, vajza tjetër ishte në gjendje të mirë dhe se Arya do të kujtohet dhe nderohet gjithmonë në familjen e tyre.