Historia e një gruaje 52-vjeçare nga Texas-i është një dëshmi e fuqisë së disiplinës dhe ndryshimit gradual të stilit të jetesës. Ajo arriti të humbasë mbi 45 kilogramë për vetëm 9 muaj, pa iu nënshtruar kirurgjisë bariatrike, injeksioneve të shtrenjta apo dietave drastike që shpesh sjellin pasoja anësore. Sekreti i saj ishte vendosja e asaj që ajo i quan “kufij ushqimorë” pra të mësojë trupin dhe mendjen të bëjnë dallimin midis nevojës reale për ushqim dhe zakoneve të tepruara.
Në praktikë, kjo nënkuptonte të zgjidhte me kujdes çfarë të hante, në çfarë sasie dhe në çfarë kohe. Në vend të heqjes dorë totale nga ushqimet e preferuara, ajo vendosi rregulla të thjeshta dhe të qëndrueshme, si shmangia e vakteve të vona në mbrëmje, ulja e sheqerit të përpunuar dhe fokusimi te ushqimet e freskëta dhe të balancuara. Ajo vazhdoi me të njëjtin stil për shtatë vite, duke e kthyer atë në një mënyrë jetese dhe jo në një dietë afatshkurtër. Ky stabilitet i lejoi jo vetëm të ruajë peshën e re, por edhe të fitojë një energji e gjallëri të re për jetën.