Aktorja e njohur Naomi Watts po flet hapur për qëndrimin e saj ndaj kirurgjisë estetike në të 50-at. Në një intervistë të re për revistën Bustle, ylli 57-vjeçar tregoi se nuk ka bërë ndërhyrje plastike dhe po përqafon pamjen e saj natyrale.
Ajo tha se pikëpamjet e saj për shëndetin dhe bukurinë kanë ndryshuar ndjeshëm pasi hyri në këtë dekadë të jetës. Watts tha se një nga realizimet më çliruese për të ka qenë vendimi për të mos u përpjekur më të duket si dikur, por të pranojë veten ashtu si është sot.
“Mendoj se në një moshë të caktuar e kupton çfarë funksionon për ty dhe i qëndron asaj. Nuk dua të dukem më 25 vjeçe apo si dikush që lufton për t’u dukur 25,” u shpreh ajo. Aktorja shtoi se nuk e ka pasur guximin të bëjë kirurgji plastike dhe preferon të shfaqet natyrshëm.
“Tani për tani shpresoj që njerëzit përreth meje t’i tolerojnë faqet e mia të varura, sepse për momentin nuk dua të futem nën bisturi. Nuk mund të them kategorikisht nëse jam pro apo kundër, por sigurisht nuk i gjykoj ata që e bëjnë,” tha me humor ylli i serialit Love Story.
Watts foli edhe për ndryshimet në rutinën e saj të bukurisë ndër vite. Ajo tregoi se tani, kur fëmijët e saj janë rritur dhe janë më të pavarur, i kushton shumë rëndësi ritualit të mbrëmjes.
“Nëse nuk jam në punë apo para kamerave, nuk vendos grim në mëngjes. Por çdo natë përpiqem të futem në vaskë. Dëgjoj një podcast ose ndez një qiri. E dua ujin e nxehtë me avull më përgatit për një gjumë të mirë,” u shpreh aktorja.