Ish-konkurrenti i “Për’puthen”, Bruno Shemsho, ka qenë i ftuar në emisionin “She’s On Air”, ku ka folur pak edhe për katër edicionet e “Big Brother VIP”.

I pyetur për fituesin më të merituar të reality show-t, Bruno tha emrin e Ilir Shaqirit dhe shtoi se Luiz Ejlli bëri revolucion, por personazhet që ishin kundër tij, nuk ishin të atij niveli si të “Big Brother VIP 1”.

Ndërsa sipas tij, dy fituesit më pak të merituar janë Egla Ceno dhe Gjesti.

Pjesë nga intervista:

Nëse do të ishe pjesë e “Big Brother”, cila tipologji lojtari do ishe, nga të gjithë personazhet në këto katër vite?

Të them të drejtën mund të jem një miks i disave, por nuk dikush që të evidentohet me mua.

Nuk i përngjan dikujt?

Jo, askujt. Si te pjesa e formimit tim, te pjesa e mënyrës që i shikoj gjërat, tek argumentet, te pjesa si dukem, nuk besoj se ka qenë dikush. Nëse keni ndonjërin ju ma thoni se edhe mund ta kem harruar.

Cili ka qenë fituesi më i merituar i të gjithë “Big Brother” dhe ai më pak?

Më i kompletuari dhe më i merituari ka qenë Ilir Shaqiri. Kur them Iliri, mendoj se kishte një konfrontim me personazhe më të fortë në mënyrën se si ishte i ndërtuar “Big Brother” i parë. Tek i dyti, normal që Luizi ka bërë revolucion. Personazhet që ishin kundër Luizit nuk ishin të atij niveli si të “Big Brother”-it të parë.

Po në historinë e Big-ut, një personazh që ti e quan fenomenal dhe një që nuk mund të ketë fituar, kush ka qenë për ty?

Që nuk ka fituar? Mendoj që Jul Deda ka qenë tip që mund të dilte para. Siç them Jul Deda them edhe jo ai, pasi e kërkonte me shumë ngulm atë “Big Brother”-in e tij.

Kush e ka fituar dhe nuk e ka merituar?

Egla për faktin se përkrahja e publikut nuk ishte aq e madhe, siç e shikoja unë. Nuk më ngjiti si fituese. Vitin e kaluar kam ngrënë të sharat e dynjasë kur thoja se Gjesti nuk duhet ta fitojë atë lloj “Big Brother”.

Kush e meritonte vitin e kaluar sipas teje?

Vitin e kaluar unë isha fans i madh, mbështetës i Rozana Radit dhe Laert Vasilit. Për mua, si për moshën dhe si për atë që kanë dhënë në art, janë bonus. Kur themi për “Big Brother VIP” duhet të kesh një kontribut.