DJ Gimbo dhe Selin Bollati kanë biseduar gjatë deri në orët e para të mëngjesit, në shtëpinë e “Big Brother VIP 5”. Ata kanë ndarë me njëri-tjetrin momente të sinqerta duke zbuluar më shumë për raportin mes tyre dhe përjetimet nga e kaluara.
Gimbo ka folur hapur për një lidhje të fundit që, sipas tij, ka përfunduar me zhgënjim. Banori tregoi se vetëm pasi ishte ndarë nga partnerja e tij, kishte mësuar se ajo e kishte tradhtuar.
“Lidhjen e fundit që e kam pasur me një çikë të Kosovës, e kam kuptuar që më ka tradhtuar pasi jam ndarë nga ajo”, u shpreh ai gjatë bisedës me Selinin.
Sipas Gimbos, situata ishte edhe më e rëndë, pasi tradhtia kishte ndodhur me një koleg të tij, gjithashtu DJ. Ai tha se lajmin e kishte marrë nga ish-partnerja e atij DJ-je, duke shtuar se kishte besuar shumë në atë marrëdhënie.
“Kur jemi ndarë, ajo ka bërë shumë pas meje. E ka parë kë e ka humbur”, u shpreh ai, duke lënë të kuptohet se ndarja kishte qenë një periudhë reflektimi për të.
Raporti mes Gimbos dhe Selinit duket se po forcohet dita-ditës, ndërsa ndjekësit e formatit po aludojnë se mes tyre mund të lindë diçka më shumë se miqësi.
