Shanna Moakler ka rikthyer tensionet me familjen Kardashian, duke shprehur publikisht pakënaqësinë e saj ndaj Kourtney Kardashian në lidhje me rolin e saj si njerkë për fëmijët që ajo ndan me ish-bashkëshortin, Travis Barker.
Gjatë një interviste në podcast-in “When Reality Hits” të Brittany Cartwright, ish-fituesja e Miss USA, 50 vjeç, deklaroi se nuk ka pasur asnjëherë komunikim apo biseda për bashkë-prindërimin me familjen Kardashian. “Nuk mendoj se ato gra i bëjnë këto biseda me askënd,” u shpreh ajo, duke lënë të kuptohet se mungon dialogu mes palëve.
Moakler tha se në disa raste është ndier e pavlerësuar dhe e munguar në respekt. “Nëse do të kujdesesha për fëmijët e saj, nuk do të bëja disa nga gjërat që janë bërë me fëmijët e mi,” deklaroi ajo. Shanna Moakler dhe Travis Barker u martuan në vitin 2004 dhe u ndanë dy vite më vonë, ndërsa divorci u finalizua në 2008. Nga martesa e tyre lindën dy fëmijë, Landon dhe Alabama.
Nga ana tjetër, Kourtney Kardashian u martua me bateristin e Blink-182 në maj 2022, duke u bërë njerkë për dy fëmijët e Moakler. Çifti mirëpriti djalin e tyre, Rocky, në nëntor 2023. Kardashian është gjithashtu nënë e tre fëmijëve të tjerë nga lidhja e mëparshme me Scott Disick.
Pavarësisht kritikave, Moakler theksoi se e pranon realitetin e ri familjar. “Kjo është familja e tyre tani,”.