Një biznesmen, i cili ka shpenzuar 5 mijë paund për të bërë dhëmbët në Turqi, tani po përballet me një faturë të ‘kripur’ prej 27 mijë paund për t’i rregulluar ato.
Ai është John Macdonald dhe vendosi të udhëtuar nga Cumbernauld për jashtë shtetit, që të bënte dhëmbët e tij të shkëlqenin. Por tani 34-vjeçari pranon se e urren pamjen e tij të re dhe është vazhdimisht i stresuar sepse ka frikë t’i dëmtojë ato.
John ka gjetur një profesionist që mund t’i ofrojë ndihmën që i nevojitet, por ka mbetur i habitur nga çmimi marramendës.
“Me të vërtetë pendohem që shkova dhe i bëra në Turqi. Unë do ta këshilloja këdo nëse keni dhëmbë edhe gjysmë të mirë, mos e vrisni veten. Shkova në një vend në Glasgow javën e kaluar dhe ata duan rreth 27 mijë paund. Jo. Është pak shumë”, ka thënë 34-vjeçari.
John, i cili drejton biznesin e “J & R Financial Solutions”, mori hov dhe u nis për në Turqi në mars për operacionin. Ai zbuloi procesin e mundimshëm që përfshinte rruajtjen e dhëmbëve të tij.
“Goja ime ishte plotësisht e mpirë, kështu që në fakt nuk ndjeva që dhëmbët e mi po gërryheshin. Pjesa më e dhimbshme ishte në fakt vendosja e fasetave. Kjo ishte agoni vdekjeprurëse”, ka treguar ai.
E gjithë procedura zgjati më pak se shtatë ditët normale dhe John mendon se kjo mund të jetë arsyeja pse ai kishte disa probleme.
“Nofulla ime ishte në agoni për rreth një muaj më pas. Mendoj se kjo ndodhi sepse i bëra të gjitha për katër ditë, gjë që ishte shumë e nxituar”, zbulon 34-vjeçari.
John tani duhet të kthehet për të rinovuar dhëmbët e tij dhe duhet të jetë i kujdesshëm që të mos copëtojë fasetat.
Dhe ai ka zbuluar se i është ndaluar të hajë ushqime të caktuara, veçanërisht ushqimet e tij të preferuara.
