Anëtarja e grupit të famshëm britanik “Little Mix”, Perrie Edwards, ka rrëfyer së fundmi mbi ndarjen e bujshme nga ish-i fejuari Zayn Malik, me të cilin ishte në një marrëdhënie nga viti 2013 deri në 2015.
Ajo pranoi se ndarja në sy të publikut ka qenë një periudhë shumë e vështirë dhe emocionale, sidomos duke qenë se ishte ende në fillimet e karrierës dhe jetës së saj personale. “Ishte kohë e mbushur me presion dhe ndjenja të forta, dhe unë isha e papërgatitur për gjithë atë vëmendje mediatike”, u shpreh këngëtarja.
Mbështetja e anëtareve të tjera të “Little Mix” rezultoi vendimtare për ta përballuar emocionalisht fundin e lidhjes që bëri bujë në botën e showbiz-it.
Pas ndarjes, jeta e saj mori një kthesë pozitive. Në vitin 2016, Perrie nisi romancën me futbollistin Alex Oxlade-Chamberlain. Marrëdhënia e tyre është ndërtuar mbi stabilitet dhe mirëkuptim, e përshkruar nga këngëtarja si “më e pjekur dhe e ekuilibruar”.
Çifti u bë prindër në vitin 2021 me ardhjen në jetë të djalit të tyre Axel, ndërsa në qershor 2022 kurorëzuan lidhjen me fejesë.