Davina McCall ka kaluar një vit të vështirë me shëndetin e saj pasi iu nënshtrua një operacioni për kancerin e gjirit dhe një tumor në tru.
Ndërsa po shërohet nga operacioni i saj më i fundit, prezantuesja zbuloi se këtë javë i ishte rikthyer vrapimit, vetëm disa javë pas lumpektomisë.
E dhënë pas fitnesit, 58-vjeçarja e ndryshoi jetën e saj pas një beteje historike me varësinë nga droga. Tani ajo është e pastër për më shumë se 30 vjet.
McCall tashmë është e njohur për fizikun e saj tepër të tonifikuar dhe për regjimin e përkushtuar që e bën të shkojë në palestrën e shtëpisë menjëherë pas kafesë së mëngjesit.
Por në nëntor të vitit 2024, Davina zbuloi se ishte e diagnostikuar me një kist koloid, një lloj i rrallë tumori në tru. Operacioni për të hequr një cistin 14 mm ishte i mundimshëm dhe zgjati plot gjashtë orë.
Megjithatë, pothuajse saktësisht një vit më vonë, më 8 nëntor, ajo zbuloi se ishte diagnostikuar me kancer të gjirit. Davina zbuloi diçka në gjoksin e saj teksa ishte në sheshxhirimin e “The Masked Singer”. Fatmirësisht operacioni ishte i suksesshëm.
E teksa pret radioterapinë, Davina, e cila tani është plotësisht e shëruar nga kanceri i gjirit, po përqendrohet përsëri në qëndrimin në formë dhe të shëndetshme për të ndihmuar në shërimin e saj.
Ndoshta jo çuditërisht, 58-vjeçarja ka zbuluar më parë se ushqimet brenda frigoriferit të saj përfshijnë shumë perime, proteina dhe fruta për të ndihmuar me dietën e saj të shëndetshme dhe të ekuilibruar.
“Do të jem plotësisht e sinqertë. Nëse po ha një puding karameli, atëherë do t’ju them se po e ha. Vë bast që do të habiteni që në dollapin tim ka pako makaronash. Kam shumë arra, fara dhe drithëra. Makarona integrale dhe jo integrale, shumë kokoshka. Pjesa ime e keqe janë… arrat”, ka treguar ajo përmes një video në “YouTube”.
E teksa Davina hap frigoriferin e saj, vihet re se ka edhe fasule, mbetje nga dreka e së dielës, shumë sallatë, perime dhe patate. Ajo pranoi se, ndonëse “nuk është dakord” me mishrat e konservuar, vendosi disa në frigorifer sepse fëmijëve të saj u pëlqejnë.
Prezantuesja ha tre mëngjese me radhë, “mëngjesi i saj i shëndetshëm” është frymëzuar nga Dr. Megan Rossi dhe përbëhet nga granola të mbushura me fibra dhe mjaltë. Opsionet e saj të tjera për mëngjes janë një krumpet me gjalpë ose një tas me qull.
Ndërkohë për drekën e saj, Davina skuqi misër të ëmbël me pak gjalpë si dhe përgatiti një sallatë.
Darka, të cilën Davina synonte ta bënte në 30 minuta, ishte fileto pule me misër të pjekur, patate dhe brokoli të zier në avull.
58-vjeçarja pranoi se pas darkës ‘lufton’ me veten pasi ka dëshirë të konsumojë diçka të ëmbël.
Davina ka qenë mjaft e hapur për betejën e saj me drogën për disa vite dhe në moshën 25-vjeçare kur u bë alkooliste, ajo iu drejtua terapisë për shërimin e saj.
Në dhjetor të vitit 2023, prezantuesja foli për mënyrën se si nuk kishte pirë alkool për më shumë se 30 vjet dhe pranoi se ka qenë mjaft e “ngurtë” me veten në jetë.
