Ish-konkurrentja e “Për’puthen” dhe e “Kepit të Tundimeve”, Efi, ka qenë mbrëmjen e djeshme e ftuar në emisionin “Top Arena” në Top Channel, ku ka folur për jetën e saj private.

Gjatë intervistës me Ed Manushin, asaj i janë bërë edhe disa pyetje mjaft pikante, të cilave Efi nuk ka ngurruar që t’u përgjigjet.

Ajo u pyet nëse ka kontaktuar së fundmi me Fation Kuqarin apo me Atdheun në “Whatsapp”.

Efi tha për Fationin se “s’kam ndonjë mesazh, një gjë pune, s’ka lidhje fare…”. Ndërsa për Atdheun, ish-konkurrentja e “Për’puthen” tha se nuk ka pasur kontakte kohët e fundit

Kujtojmë se më herët, gjatë pyetjeve “60 sekonda” për Prive, Efi dha disa detaje për jetën e saj si dhe foli edhe për raportin me Fationin.

Por a është bërë pishman ajo për ndërhyrjen në hundë? “Jam shumë e lumtur”, tha ajo.

“Por raporti me Fationin si është dhe a do të ketë një marrëdhënie mes tyre? “Kurrë mos thuaj kurrë”, u përgjigj ajo. “Me shokët nuk mund të flasësh përditë”, tha ajo kohë më parë duke zbuluar se mesazhi i fundit mes saj dhe Fationit ka qenë para një jave.

Pra, mesa duket, Efi dhe Fationi ruajnë ende kontaktet me njëri-tjetrin dhe komunikojnë shpesh. Ata u bënë të dy të njohur nga “Për’Puthen” e më pas morën pjesë edhe në “Kepin e Tundimeve”.