“Kapitull i ri”/ Ja kur nis sezoni i ri i emisionit të dashurisë “Për’puthen”

Pritjes për sezonin e ri të “Për’puthen” po i vjen fundi. Top Channel ka zbuluar zyrtarisht datën kur programi i dashurisë do të rikthehet në ekran me edicionin e tij të ri.

Sipas njoftimit të publikuar në faqet zyrtare të televizionit dhe programit, “Për’puthen” do të nisë më 21 shtator, ndërsa do të transmetohet nga e hëna në të premte, në orën 18:15.

Në krye të programit këtë sezon do të jetë Heidi Baci, e cila merr drejtimin e formatit dhe rikthehet në ekran në një rol të ri për të. 

Krah saj do të jenë Erjola Doçi dhe Drini Zeqo në rolin e opinionistëve, duke plotësuar kështu ekipin që do të komentojë dhe analizojë dinamikat mes konkurrentëve.

Me datën tashmë të konfirmuar, mbetet të zbulohen protagonistët e rinj që do të kërkojnë dashurinë përpara kamerave dhe risitë që produksioni ka përgatitur për sezonin e ri.