Drew Barrymore së fundmi ka zbuluar se me cilin aktor të famshëm ka puthur më mirë në xhirime. Edhe pse aktorja 49-vjeçare ka puthur aktorë të ndryshëm në xhirime gjatë gjithë karrierës së saj, vetëm një person e kryeson atë listë. Gjatë një paraqitje në “Watch What Happens Live with Andy Cohen”, ajo tha se ishte Adam Sandler. “Ne nuk kemi dalë kurrë, gruaja e tij Jackie është një shoqe e imja e dashur, por më pëlqen të jem në filma me të, sepse mendoj se ne përfaqësojmë diçka më të madhe se kimia e nxehtë seksuale. Ne përfaqësojmë admirimin e vërtetë për personin tjetër”-tha Barrymore.
Përveçse janë miq prej vitesh, Sandler dhe Barrymore kanë luajtur së bashku në filmat “The Wedding Singer” (1998), “50 First Dates” (2004) dhe “Blended” (2014). Barrymore një herë zbuloi se Sandler ishte “partneri më i mirë në xhirime”. Së bashku me Sandler, ajo diskutoi mundësinë e realizimit të një filmi së bashku. Jo shumë kohë më vonë, Barrymore foli përsëri për dëshirën për të bërë një tjetër film me të, pasi kishin kaluar më shumë se 10 vjet që nga filmi i fundit. Ajo pretendon se kjo do ta bënte të lumtur.
Aktorja e njohur, Drew Barrymore, së fundmi në emisionin me Andie MacDowell u kthye dhe komentoi filmin “Bad Girls” nga viti 1994, në të cilin luajtën bashkë. Barrymore pranoi se ishte vetëm 16 vjeçe kur bëri filmin dhe se ishte krejtësisht e papërvojë. “Isha vetëm 16 vjeçe kur filmuam Bad Girls, isha një budallaqe e vërtetë. Gjithmonë them se ai film më ndryshoi plotësisht jetën. Nëse nuk do ta kisha filmuar, sigurisht që nuk do të isha këtu ku jam tani”-tha Drew. Aktorja theksoi gjithashtu se sa shumë filmi e ndihmoi të kuptonte rëndësinë e të mësuarit dhe investimit në projekte që i interesojnë vërtet.
