Këngëtarja e famshme, Lizzo, ka ndarë një postim të ri në profilin e “Instagram”-it ku tregon humbjen e saj të peshës. Ajo shfaqet në një set me dantellë nga koleksioni “Smoothing Lace” i markës së saj, Yitty.
Lizzo ka qenë shumë e hapur në lidhje me udhëtimin e saj për humbjen e peshës, duke theksuar se ajo lidhet më shumë me përmirësimin e shëndetit mendor sesa me pamjen fizike.
Ajo ka arritur një peshë më të ulët që nga viti 2014 dhe ka shprehur entuziazëm për të vendosur qëllime të reja.
Lizzo ka mohuar përdorimin e barnave për humbjen e peshës, si Ozempic, duke thënë se aktiviteti i saj fizik ka qenë faktori kyç në këtë transformim.
