Këngëtarja e famshme me origjinë shqiptare, Rita Ora, ka zbuluar më herët se më 9 maj do të performojë si e ftuar speciale në gjysmëfinalen e parë të ‘Eurovision 2023’.
Ndonëse Kosova nuk është ende e lejuar të marrë pjesë në këtë festival evropian, artistja e lindur në Kosovë ka arritur që me famën e saj ndërkombëtare të ftohet për të qenë mysafire speciale në këtë event.
Rita e cila do të performojë disa nga këngët e saj hit në gjysmëfinalen e Eurovision-it, ka arritur tashmë në Liverpool për provat.
View this post on Instagram
Ajo ka ndarë me ndjekësit e saj në Instagram disa fotografi nga provat, ku duket mjaft në formë të mirë teksa bëhet gati të performojë.
“ORAVISION mirë dhe me të vërtetë ka filluar! Provat janë duke u zhvilluar! Liverpool, të dua absolutisht”, ka shkruar këngëtarja shqiptare në mbishkrimin e fotografive në Instagram.
Shqipëria nga ana tjetër këtë vit në festival përfaqësohet nga Albina dhe Familja Kelmendi me këngën “Duje”.
